Jakingarriak

Ibilbidea Andoaingo erdigunetik hasiko dugu. Handik, Arazolako pistara abiatuko gara, eta Zarateko bentara iritsi aurretik, beherantz joango gara Arazolako lepo aldera. Lepo hori igarota, Zarateko bentako dolmena ikusiko dugu eskuinean, eta handik behera egingo dugu pixkanaka, Zarateko bentara iritsiz. Bentatik gertu Palankaleku trikuharriaren seinalea ikusiko dugu; hortik kilometro baten buruan Saskarate nekazal turismoaren ondotik pasatuko gara.

Andazarrateko errepidea gurutzatu ondoren, Iturriotz aldera igoko gara, San Juan ermitaren ondotik. Hortik gora, Gazumeko bordara bidean jarriko gara, ibilbideko puntu garaienera iritsiz. Gazumeko gunean, pista nagusia utzi eta eskubira hartu beharko dugu, Indo txiki aldera jaisten den bidea hartuta. Handik, Etumetako kruzera iritsiko gara, eta Santa Engraziako ermita eskubitara utzita, hormigoi eta asfaltozko bidean jarraituko dugu.

Enekasoroeta baserriaren ingurua Aizarnara doan asfaltozko bidea utzi eta ezkerretara hartuko dugu, Ipintza baserrian hormigoizko pistan behera egingo du eta lorbideko bidegurutzean Ezenarro baserriak pasa eta Bidaurretako kaltzadaren hasiera aldera iristean, ezkerrera egingo dugu, eta kilometro baten inguruko jaitsieraren baten ondoren, Akoa auzo eta bailara berezia behean dugularik, Zestoatik Akoarako asfaltozko bidearekin bat egin eta San Joan bidearen jaitsiera malkartsutik errepide nagusiaren azpitik pasatuko gara, Arozena Hotela ezkerrean utzita, eta Gesalaga, Gurutze eta Eztiola kaleetatik jaitsiz, Zestoako plazara iritsiko gara udaletxe eta elizaren ondoan, ibilbidearen amaiera emanaz.

Galeria