Jakingarriak

Tolosan, Beotibar pilotalekuaren ondotik Urkizu auzora egingo dugu, Malaka eta Eguskitza baserrien albotik igaroz. Urkizutik Erniora doan pista jarraituko dugu. Pista amaitu eta bidezidorrak Lizarbakarra lepo modukora eramango gaitu. Behin Handik aurrera, Ubeltz gaina igo beharko dugu, 1000 m inguruan gainez gain Erniorantz egingo dugu. Zelatunera bide ezagunetik jaitsi eta Gazume azpiko oinezko bideari helduta, Komizulatzatik pasa eta Etumetako kruzera iritsiko gara. Etumetatik aurrera, Santa Engraziako ermita ezkerretara utzita, asfaltozko bidean bizpahiru kilometro egingo ditugu.

Enekasoroeta baserriaren inguruan Aizarnara doan asfaltozko bidea utzi eta ezkerretara hartuko dugu, Ipintza baserrian hormigoizko pistan behera egingo du eta lorbideko bidegurutzean Ezenarro baserriak pasa eta Bidaurretako galtzadara iristean, ezkerrera egingo dugu, eta kilometro baten inguruko jaitsieraren baten ondoren, Akoa auzo eta bailara berezia behean dugularik, Zestoatik Akoarako asfaltozko bidearekin bat egin eta San Joan bidearen jaitsiera malkartsutik errepide nagusiaren azpitik pasatuko gara, Arozena Hotela ezkerrean utzita, eta Gesalaga, Gurutze eta Eztiola kaleetatik jaitsiz, Zestoako plazara iritsiko gara udaletxe eta elizaren ondoan, ibilbidearen amaiera emanaz.

Galeria